OKUW.NET – Täze proýektim

Eýýam iki ýyl töweregi daşary ýurtlarda okuw barada türkmençe maglumat azlygyny belläp geçýädim. Iki ýyla golaý wagtlap bir proýekt ugryndadym. Beýleki dillerde okuw barada maglumat kän, ýöne edil bize gerekli maglumatlar kemçiligi bolanlygy sebäpli şeýle bir proýekti başlatmak maksat edindim.

StudyAbroad.com saýtyny görenden soň esas proýektiň şekli kellämde bellenildi. Ilki özümçe birnäçe maglumaty jemläp, ýönekeý saýt ýasap başlamakçydym işe. Ýöne öz esas işim sebäpli elim degenokdy kän bul meselä.

Türkmenistandan biri eger daşary ýurtda okamak niýeti bolsa, onda tanyş bilişlerinden sorap ugryna çykýar. “Planynyň ogly Kiýewde okaýar, şolar nämäň nämedigi bilýändir…” şeklinde gürrüňler kän geçýändir maşgalalarda. Internete girip tapan ors dilindäki saýtlardan alan maglumatlary hem edil Türkmenistanly dalaşgärler üçin ýeterlik maglumat berip bilmeýär. Continue reading →

Blog platformalary

Men ilkinji blogymy ors dilinde ýazyp başlapdym. Ýyl ýalňyşmasam 2002 bolmaly. Ol wagtlar internete girýän türkmenleri iki topara aýyrsa bolýady; Türkiýede okaýanlar birem Rossiýada okaýanlardy. Elbetde başgalaram bardyr, ýöne iň uly topar şeklinde şul ikisi bolup durýady. Men özüm şol wagtlar Ankarada talypdym, we birinji topara girýädim. Ýöne internetde ýazyşanda biziňkiler esasan ors dilinde ýazýadylar.

Memen şol wagtlar ors dilinde blog ýazyp başlapdym. Adresi ýalňyşmasam http://chishik.livejournal.com/ bolmalydy. Soň Google firmasy Blogger platformasyny satyn aldy, menem ondan yza galyp bolmaz diýip http://bunungibi.blogspot.com/ adresden türkçe ýazyp başladym. Bul bloglaryň ikisem işlänok häzir. Aslynda ol ýerde diňe başga ýerlerde tapan gyzyklyja zatlary paýlaşýadym. Continue reading →

Eýho!

Eýho!

Bir wagtlar türkmen interediniň ýaňy emedekläp başlan döwürlerde agAjan (hawa hawa… uly A harpy adynyň içinde galan) atly biri bardy. 90-njy ýyllaryň ahyry, 2000-leriň başynda şonyň saýtlaryndan başga hakykatdanam türkmen saýty ýokdy. Onyň saýtlarynyň beýle meşhur bolmagynyň esasy sebäbi owadan dizaýny we saýtyň içindäki gyzyklyja mowzuklar diýip pikir edýärin.

Geçen ýyl şol agAjan bilen tanyşmak miýesser etdi. Indi ol meniň üçin agAjan dälde eýsem Agajan Aga boldy =)

Tanyşyklygymyň netijesi hökmünde elime onuň öňki saýtlaryndan biri bolan “Eýho”-nyň arhiwi elime geçdi. Içindäki degişmelerdir şorta sözlerini okap talyplyk ýyllarymdaky duýgularymy ýatlatdy. Beýle arhiwiň biderek meniň kompýuterimiň faýllarynyň arasynda durmagy dogry däl diýip pikir etdim. Ol asyl bolmaly ýeri bolan internetde durmaly. Şeýlelik bilen “Eýho”-daky makalalary ýuwaş ýuwaşdan paýlaşmakçy.

Bugün siziň bilen “GÜL gülkä” bölüminden bir “onlyk” paýlaşmakçy (jemi 19 sany onlyk bar)… Continue reading →

2012-nji ýylyň jemlemesi

2012-nji ýylyň tamamlanmasyna az wagt galdy. Geçen ýyl 2011-nji ýylyň jemlemesini hem edipdim. Indi geldi 2012-njy ýylyň jemine.

overview

 

2012-nji ýylda umuman 2104 gezek saýtyma girilipdir. Olardan 1602 sany unikal giriş bar. Bul sany 12 aýa bölenimizde her aý ortaça 175.3 gezek bolýar we 133.5 unikal giriş bolýar. Geçen ýylky bilen deňeşidrilende unikal giriş 2 esse dagy köpelen. Ýöne bir gezek gelen myhmanlaryň gaýtadan gelme statistikasynda gaty peselme bar. Geçen ýylky 41,15% garşylyk bu ýyl bary ýogy 25,90%. Diýmek her 4 myhmandan 3-si gaýdyp gelmändir blogyma.

Bellik: Suratlara syçanjyk bilen basanyňyzda täze sahypada suraty doly ölçegde görüp bilersiňiz.

Continue reading →

Agajan bilen söhbetdeşlik

Öň habar berşim ýaly Agajan bilen hat üsti birnäçe soragly reportaž aldym. Ilki bilen Agajanyň işlerini köplügi sebäpli sorag jogap uzaga çekdi. Soň bolsa meniň özümiň işlerim sebäpli reportažy çap etmäne gijä galdym.

Agajan bilen ilki teswirleriň ýapylmagy barada açylan gürrüň soňlugy bilen türkmen sosial platformalary barada dowam etti. Soň onuň häzir üstünde işleýän proýektleri barada hem gürrüň berdi. Sohbetdeşligiň ahyrynda onuň web proýekt alyp barmak barada tankyt hem maslahaty bar. Continue reading →

Türkmen Internetiniň sosial şahamçasy baştutansyz galsy

Türkmen Internetiniň sosial şahamçasy baştutansyz galsy

Ildeşlerimiz Remezan Baýramyna garaşýarkan. Bir birine baýram gutlaglaryny ibermäne taýýarlyk görüp ýörkäler. Şol gutlaglaryny ýazjak we beýlekiler bilen paýlaşyp biljek iň aktiw sosial saýty Teswirler ýapylandygyny yglan etdi.

Türkmen Internetiniň sosial şahamçasyndaky iň uly we abraýly söze eýe bolan platforma mundan beýle diňe arhiw görnüşinde durjak. Teswirler ýaly öň hem uly abraýa eýe bolan, ýöne soňlugy bilen ýapylan ýa-da öňküsi ýaly işläp bilmeýän saýtlar hem bar. Herkimiň öz sebäbi bolandyr, elbette Agajanyň hem sebäpleri bardyr. Continue reading →

Teswirler ýapylýarmy?

Türkmen Internetindäki “türkmen” sözüniň esasy sebäpkärlerinden bolan saýt. Soňky 2 ýylyň iň kän agzasy bolan hem iň kän girilýän türkmen saýty teswirler.com, ýa-da teswirler, ýapylýar. Şeýle habary teswirleriň gurujysy hem-de baş administratory bolan Agajan pikirlerinde paýlaşty.

Pikirinde Agajan (agajanh) şeýle diýýär:

kimilerine gowy, kimilerine erbet habar. bahym teswirleri başga oglanlara bermekçi.

Continue reading →