Stambul

2013-nji ýylyň awgustynda 6 ýyldan soň birinji gezek Türkiýä bardym. Bu gezek turist hökmünde gitdim.

Baran wagtym Ramazan aýynyň soňky günleridi. We şeýlelik bilen uzyn wagtdan soň Türkiýede baýram geçirdim. Baýramdan bir gün öň Stambulda gezdim. Aşakda Bosfor gezelenjinden suratlar bar. Surat sany gaty kändir. Türkmenistandan girýänler üçin trafik duýduryşyny etmeli. Continue reading →

Kuala Lumpur

Awgust aýynda Malaýziýanyň paýtagty bolan Kuala Lumpurda iki uçaryň arasynda birnäçe sagatlyk boş wagtym boldy. Malaýziýa biziň raýatlardan wiza soramaýanlygy sebäpli öňki giden ýerlerimi görmek we birnäçe surat almak maksady bilen şähere çykdym. Aýlanar ýaly bary-ýogy 4 sagadym bardy we iň amatlysy dünýäde meşhur bolan Petronas Ekizlerine tarap gitdim. Şol ýerde düşürilen birtopar suratdan 3 sanysyny paýlaşmakçy siziň bilen. Continue reading →

Vung Tau

Aprel aýynyň 19-y Wýetnamda nämedir bir sebäpli dynç güni yglan edildi. Tanyşlaryma soranymda ýarym iňlisçesi bilen bir korollarynyň ýa doglan güni, ýa-da ölen günimi näme… Garaz bizi gyzyklandyrýan tarapy şol güniň dynç bolmagydy. Bizem öýde biderek ýatmaly diýip kiçiräk gezelenje çykaly diýdik. Nämede bolsa bir aýdan bäri Wýetnamda ýörin, hiç ýere çykmadym.

Soňam tanyşlardan golaý we dynç alyp boljak ýeri soradyk. Olaram Vung Tau (Wuň Tau) şäherini maslahat berdiler. Vung Tau, Ho Chi Minh-den gara ýoly bilen iki ýarym sagat daşlykda. Tiz katerler bilen bolsa bir ýarym sagat töweregi. Ýerleşýän ýeri bir ýarym-adada, Günorta Hytaý deňiziniň (South Chinese Sea) kenarynda. Şäher esasan 9 millionlyk Ho Chi Minh-yň ilatynyň dynç günlerinde gelip gidýän ýerleri. Gelip deňizde suwa düşýärler, balyk tutýarlar we esasan uly şäheriň dymyk howasyndan gaçyp gelýärler. Continue reading →

Syýahat

Ýakynda giden ýerlerim baradaky sahypamy täzeledim. Şonda iň aşagynda hem kiçiräk statistika ýazdym. Jemi 7 ýurtda we şol ýurtlardaky 41 sany ýerleşik ýere gidipdirin. Ýerleşik ýer diýlende şäher, şäherçe ýa-da etrap ýazylandyr.

Bul ýerde bolsa gitmek isleýän ýerlerim barada gysgaja maglumaty paýlaşaýyn. Continue reading →

Tährandan birnäçe pursat

Oktýabr aýynda iş bilen Eýrana gidip geldim. Tähran şäherinde iki hepdä golaý galdym. Gurban Baýramy güni Tähranyň golaýynda ýerleşen Darband atly dynç alyş zolagyndan birnäçe surat paýlaşmakçy.

Ilki bilen irden turyp, Tähranyň merkezi ýerlerinden biri bolan Azatlyk meýdanyna (Meydane Azadi) gitdik.

Soňra bolsa Darbanda gitdik we günimizi arassa howada, uly şäheriň galmagalyndan daşda geçirdik. Suratlary Dowamda görüp bilersiňiz.

P.S.

Elimde Tähran barada taýýarlanan syn mowzuklarym bar. Elim degdigiçe paýlaşmakçy. Continue reading →

Mukry

Ýakynda, meniň üçin gaty üýtgeşik bolan bir ýere gitdim. Lebap welaýatynda Mukry şäherçesi. Ýerleşýän ýeri barada aýdanda haýsy etraba degişlidigini bilip bilmedim. Amyderýanyň boýunda, derýanyň beýleki kenarynda bolsa Owganystan bilen araçäkde.

Ol ýere barmak üçin Türkmenabat şäherindäki “Dünýä Bazar” ady bilen bilinýän uly bazara barmaly we şol ýerde Atamyrada (Kerki) gidýän taksiler bilen gidilýär. Eger meniň ýaly şowly bolsaňyz onda Mukra gitjek başga-da adam tapylsa şol ýerden gidäýmeli. Bolmasa Kerkiçi ulaglaryna münip soň aňyrdan başga maşyn bilen gitmeli bolarsyňyz. Continue reading →

Kiçijek syýahat (I)

Hytaýlylaryň täze ýyly mynasybetli berilen goşmaça dynç günini boş geçirmek bize gelişmez pikri bilen kiçiräk bolsa-da bir syýahata çykaly diýip düşdik ýollara.

Syýahat kiçijek diýilenine kän üns bermän elimden geldigiçe köp surat aldym. Jemi 700-den hem kän surat bolupdyr. Şeýlelik bilen syýahaty 3 bölümde siziň bilen paýlaşmany makul bildim.

Duýduryş: Suratlary ortaça 100 km/sagat tizliginde giden awtobusta alanym üçin edil isleiýişim ýaly bolmady. Eger kemçilikler bar bolsa (suratlarda) hoş göriň.

Continue reading →

Bangkok – Taýland.

Bangkok – Taýland.

Taýlandyň paýtagy we iň uly şäheri (ilaty: 11.971.000, çeşme: Wikipedia). Tai dilinde şäheriň ady Krung Thep, ýöne şäheriň doly we ofisial ady bolsa has uzyn, hatda Guinnes rekordlar kitabyna hem iň uzyn şäher ady diýlip girizilen. Doly ady: Krung Thep Mahanakhon Amon Rattanakosin Mahinthara Yuthaya Mahadilok Phop Noppharat Ratchathani Burirom Udomratchaniwet Mahasathan Amon Phiman Awatan Sathit Sakkathattiya Witsanukam Prasit, iňlis dilinde bolsa şeýle: “The city of angels, the great city, the eternal jewel city, the impregnable city of God Indra, the grand capital of the world endowed with nine precious gems, the happy city, abounding in an enormous Royal Palace that resembles the heavenly abode where reigns the reincarnated god, a city given by Indra and built by Vishnukarma” (Wikipedia). Türkmen diline terjime etjek boldym welin dilim döwüläýjek boldy.

Continue reading →

12