Suratkeşler

Daşary ýurtlarda, esasanam turistleriň kän gelýän ýerlerinde, suratkeşler kiçijek dükan açyp hem surat çekýärler hem suratlaryny satýarlar. Käwagt gidip olaryň surat çekişini göresim gelýär. Bir gezek kiçijek suraty çekişini dolulygyna synlap durupdyryn. Ol wagt ýanymda fotoapparatym ýokdy ýöne.

Aşakda Malaýziýa, Mýanma (Birma) we Taýlanddaky birnäçe mysallaryny paýlaşdym. Continue reading →

Kiçijek syýahat (I)

Hytaýlylaryň täze ýyly mynasybetli berilen goşmaça dynç günini boş geçirmek bize gelişmez pikri bilen kiçiräk bolsa-da bir syýahata çykaly diýip düşdik ýollara.

Syýahat kiçijek diýilenine kän üns bermän elimden geldigiçe köp surat aldym. Jemi 700-den hem kän surat bolupdyr. Şeýlelik bilen syýahaty 3 bölümde siziň bilen paýlaşmany makul bildim.

Duýduryş: Suratlary ortaça 100 km/sagat tizliginde giden awtobusta alanym üçin edil isleiýişim ýaly bolmady. Eger kemçilikler bar bolsa (suratlarda) hoş göriň.

Continue reading →

2011-nji ýylyň jemlemesi…

2011-i hem geçirdik nesibesi bilen. BaýramTM blogy barada gysgaça hasabat bilen 2011-nji ýyly jemläsim geldi.

Asyl saýt açma pikrim öňden bäri bardy. Ýöne öňler mugt hosting hyzmatlaryny ulanýadym. Olaram meniň öz islegimdäki ýaly hyzmat berip bilenokdylar. (Mugt zatdan başga näme garaşjak? =) ) Şeýlelik bilen ömri uzak bolar ýaly birem planynsayty.mugtsaytbar.com ýaly adyny ýatda saklap bolmajak birzatlar bolandan ýylda 10$ töweregi bayramtm.com adresi satyn aldym, we saýt Aprel aýynda, has takygy aýyň 22-den 23-e geçýän gije işe başlady.

Agajan hem şol wagtlar öz saýtynda (www.agajanh.com) şahsy blog açyp edýän işleri we pikirlerini paýlaşmakçydy. Soňlugy bilen işleri kän bolansoň goýbolsyn etdi. Agajan 3 proýektini hödürlän bolsa arkasynda 10 sany proýekt hem durandyr. Olaryň heniz wagty gelmänligi sebäpli kän agzalanok, ýa-da ujyndan birzatlar görkezip goýýar. We biz ikimiz statistikada bir birimiz bilen ýaryşjakdyk. Agajanyň saýtynyň hasabatyny bilmedim welin, men siziň bilen öz saýtyma girýänler barada birnäçe maglumat bermekçi… Continue reading →

Syýahat

Günortagündogar Aziýa ýurtlaryna suýahata çykmak isleseňiz iň gowy wagtlar Dekabr-Ýanwar aýlary. Sebäplerden birnäçesi:

  • Howa beýleki aýlara deňeşdireniňde salkyn, ýöne şonda-da 25 gradusyň aşagyna düşenok. Türkmenistanyň aýazyndan gaçmak isleseňiz.
  • Musson (Ýagmyr) sezony gutardy (Iýun – Oktýabr), we ýagyş ýaganok, diňe güneşli howa. Gyşyň ortasynda natural solariý.
  • Musson sezony gelmän bir-iki aýlap yssy, dymyk we çygly howa bolýar, bularyň diýişi ýaly tomus pasly (Mart – Maý). Ynanyň ol aýlarda hiç zat etmän onuranyňyzda bir litrden köpräk der dökersiňiz. Birtopar pul harj edip geleniň bilen otelden çykman oturasyňyz gelmeýän bolsa şol “tomus” aýlarynda gelmäň.

Ýokarda agzalan sebäpleriň gapdalyna bir ullakan ÝÖNE goýmaly boljak. Dekabryň 20-lerinden başlap Ýanwaryň 10-laryna çenli gelip otyrmaň. Esasanam Täze Ýyl günlerinde hiç gelmäň. Ömrümde görmedik orslary görersiňiz. Nirä gitseňiz şol orslar. Hut Milli Plan bar ýaly Rossiýada, eline birnäçe manat pul geçen orsýetli gönüje Taýlanda geläýýäler how.

P.S.

Orslar diýenimde ýene bir zat bellemeli. Biziň Türkmenhowaýollarynda bilet hem tapmak kyn bolar. Uçaryň 80%-da golaý ors gelýändir tranzit Moskwadan.

Men kim? Ýa-da kim däl…

Men özüm barada saýtymyň “Men” diýip duran ýerinde gysgaça maglumar beripdim. Ýöne şondaky maglumatlara birnäçe zat goşmaly boljak.

Soňky döwür meni “teswirler”-de ady belli bolan blogçy Baýram-Jm (gysgaça Jm) bilen garyşdyryp başladylar. Birnäçe gezek meni Jm-dir öýdüp dürli soraglar bilen maňa ýüzlenýärler.

Google Plus-da biri meni Jm-dir öýdip dostluga goşupdyr. Beýlekileri maňa ertir.com ulgamynda şahsy hat ugradýarlar. Ahyry ertirdäki agzalardan biri pikirler bölüminde bir sorag berdi: “chishik bilen Bayram-Jm bir adammy?” – diýip. Şol ýerde birnäçe jogap bilen Jm ikimiz meselä anyklyk getiripdik. Ýöne soň hem şeýle soraglar ýüze çykmaz ýaly Jm bilen özümi deňeşdirip ýazmany synaşjak.

Continue reading →

Windows 7 türkmen dili interfeýsi.

Men özüm öňden bäri Windowsy iňlis dilinde ulanýardym. Beýleki dilleriň hem interfeýs paketlerini gurup programmalardaky dil problemalaryny çözýärdim. Öýde ulanýan kompýuterde meniň ulanyjy hasabymdan gireniňde iňlis dilinde, beýleki maşgala agzalarynyň hasaplary bolsa düşünýän dilleri bolan ors dilinde durýar. Şeýlelik bilen birnäçe Windows gurmak hem gerekli däl. Continue reading →

Suvarnabhumi – Bangkok Halkara Aeroporty

Suvarnabhumi – Bangkok Halkara Aeroporty

Bangkok aeroporty barada giňişleýin maglumatlary internetten tapyp bilersiňiz. Men esasan öz synlarymy ýazmakçy.

Aziýanyň adam geçirijiligi boýunça 3-nji iň uly aeroporty. 2010-njy ýylda 42.7 million ýolagçy geçen. (çeşme: Wikipedia)

Bangkokda iki sany halkara aeroport bar. Suvarnabhumi (Suwanapum) täzesi we ulusy. Aeroport diýilende esasan Suvarnabhumi barada gürrüň edilýär, ýöne şonda-da taksi tutanyňyzda aeroportyň adyny aýtmasaňyz taksi sürüjileri kellesine görä äkidiberýärler.

Continue reading →