Wýetnamda motor sürmek

Motor Wýetnam şäherleriniň esasy gatnaw ulagy. Nirä gitseň motordan doly. Wýetnamlylar (Milleti näme bolýa bularyň? Menä wýetkos diýäýýän käwagt.) hut motorda doglan ýaly. Käwagt ýolda duş gelýä, bütin maşgalasy bilen münýäler. Aslynda Agajan bu mesele barada öz syýahat blogynda ýazypdy. Bu ýere birinji gezek gelen biri üçin gaty täsin zat. Olaryň ýollarda bolşuny görüp ýüregiň ýarylýa.

Motor sürmek beýlede dursyn, men ömrümde tigir sürip görmedim. Henize çenli nädip iki tigirde deňagramlyk saklanyp bolýanlygy kelläme syganok. Birnäçe synanşykdan soň meniň motor diýen zady sürip bilmejekdigim meselesi kellämde ornaşyp başlady. Birem gelenimiň birinji hepdesinde awariýa düşip, gapyrgalarymy agyrdansoň bu pikir (gorky, fobia diýseňem boljak) has hem güýçlendi. Iki hepdeläp gijeleri uky alyp bilmän, oturyp turanymda ejir çekmek, hiçkime görkezmesin. Öýdäkilere aýtmadym awariýa bolanymy, doganym aram aram blogumy okaýa, indi habarlary bolar. Continue reading →

Men kompýuter bilýän!

Halkymyz “kompýuterşik” ýa-da “kompýuterçi” diýýär käbirlerine. Kim olar? Näme diýmek ol? Aslynda “kompýuter operatory” manysyny berýän iş wezipesi. Hawa, köp iş ýerinde görýädim öňler, birnäçe ýaş oglan-gyzlar, güni bilen Word-da tekst ýazmak bilen bolýadylar. Işe girjek bolanyňda kompýuter bilýänler üçin has hem aňsat bolýady işe girmek.

Indi bolsa meniň öz pikirlerim we synlaryma geleli. Continue reading →

Vung Tau

Aprel aýynyň 19-y Wýetnamda nämedir bir sebäpli dynç güni yglan edildi. Tanyşlaryma soranymda ýarym iňlisçesi bilen bir korollarynyň ýa doglan güni, ýa-da ölen günimi näme… Garaz bizi gyzyklandyrýan tarapy şol güniň dynç bolmagydy. Bizem öýde biderek ýatmaly diýip kiçiräk gezelenje çykaly diýdik. Nämede bolsa bir aýdan bäri Wýetnamda ýörin, hiç ýere çykmadym.

Soňam tanyşlardan golaý we dynç alyp boljak ýeri soradyk. Olaram Vung Tau (Wuň Tau) şäherini maslahat berdiler. Vung Tau, Ho Chi Minh-den gara ýoly bilen iki ýarym sagat daşlykda. Tiz katerler bilen bolsa bir ýarym sagat töweregi. Ýerleşýän ýeri bir ýarym-adada, Günorta Hytaý deňiziniň (South Chinese Sea) kenarynda. Şäher esasan 9 millionlyk Ho Chi Minh-yň ilatynyň dynç günlerinde gelip gidýän ýerleri. Gelip deňizde suwa düşýärler, balyk tutýarlar we esasan uly şäheriň dymyk howasyndan gaçyp gelýärler. Continue reading →

Wýetnamda mugallym bolmak – Dowamy

Soňky mowzugymda Wýetnamda başyma gelen bir tejribäni paýlaşypdym. We käbir tanyşlarymyň islegi boýuça şol meselä çözgütleri paýlaşmakçy.

Elbetde men ökde pedagog däl. Bary ýogy 3 ýyllyk tejribäm bar. We esasan 14-15 ýaşlylaryň sapaklaryna girýädim. Ýöne Wýetnamda 1-5-nji synplaryň sapaklaryna girmeli boldym. Synpa girenimde nirä düşenimi bilmän aljyrap galdym.

Mekdeplere gidýän beýleki mugallymlaryň tejribelerini soradym. Olaryňam köpüsi ilkinji gezek edil meniňki ýaly ýagdaýa düşipdirler. Continue reading →

Wýetnamda mugallym bolmak

Me öz kärim barada kän bir maglumat berýän biri däl. Esasanam bu ýerde öz syýahatlarymy we synlarym barada paýlaşýan. Ýöne, düýnki wakany paýlaşmasam bolanok.

Birnäçe ýyldan bäri halkara mekdeplerde mugallymçylyk edýän. Aslynda girýän derslerim matematika. Ýöne iňlis dili sapaklary hem berýän. Ine şol maksat bilen geçen hepde Wýetnama geldim. Bärde işleşýän gurama döwlet mekdepleri bilen şertnamalaýyn şol mekdeplere iňlis dili mugallym iberýär. Aslynda olaryň öz mugallymlary bar, ýöne gürleýiş/gepleşik ukyplylyklaryny artdyrmak üçin daşary ýurtly mugallym çagyrýalar heptede bir sapak okatmak üçin.

Edilmeli zat aňsat aslynda; sapaga girýäň, birnäçe çäre geçirýäň synpyň içinde we 35 minut wagtyň geçýär. Ýöne… Continue reading →

Eýho!

Eýho!

Bir wagtlar türkmen interediniň ýaňy emedekläp başlan döwürlerde agAjan (hawa hawa… uly A harpy adynyň içinde galan) atly biri bardy. 90-njy ýyllaryň ahyry, 2000-leriň başynda şonyň saýtlaryndan başga hakykatdanam türkmen saýty ýokdy. Onyň saýtlarynyň beýle meşhur bolmagynyň esasy sebäbi owadan dizaýny we saýtyň içindäki gyzyklyja mowzuklar diýip pikir edýärin.

Geçen ýyl şol agAjan bilen tanyşmak miýesser etdi. Indi ol meniň üçin agAjan dälde eýsem Agajan Aga boldy =)

Tanyşyklygymyň netijesi hökmünde elime onuň öňki saýtlaryndan biri bolan “Eýho”-nyň arhiwi elime geçdi. Içindäki degişmelerdir şorta sözlerini okap talyplyk ýyllarymdaky duýgularymy ýatlatdy. Beýle arhiwiň biderek meniň kompýuterimiň faýllarynyň arasynda durmagy dogry däl diýip pikir etdim. Ol asyl bolmaly ýeri bolan internetde durmaly. Şeýlelik bilen “Eýho”-daky makalalary ýuwaş ýuwaşdan paýlaşmakçy.

Bugün siziň bilen “GÜL gülkä” bölüminden bir “onlyk” paýlaşmakçy (jemi 19 sany onlyk bar)… Continue reading →

2012-nji ýylyň jemlemesi

2012-nji ýylyň tamamlanmasyna az wagt galdy. Geçen ýyl 2011-nji ýylyň jemlemesini hem edipdim. Indi geldi 2012-njy ýylyň jemine.

overview

 

2012-nji ýylda umuman 2104 gezek saýtyma girilipdir. Olardan 1602 sany unikal giriş bar. Bul sany 12 aýa bölenimizde her aý ortaça 175.3 gezek bolýar we 133.5 unikal giriş bolýar. Geçen ýylky bilen deňeşidrilende unikal giriş 2 esse dagy köpelen. Ýöne bir gezek gelen myhmanlaryň gaýtadan gelme statistikasynda gaty peselme bar. Geçen ýylky 41,15% garşylyk bu ýyl bary ýogy 25,90%. Diýmek her 4 myhmandan 3-si gaýdyp gelmändir blogyma.

Bellik: Suratlara syçanjyk bilen basanyňyzda täze sahypada suraty doly ölçegde görüp bilersiňiz.

Continue reading →

Mukry

Ýakynda, meniň üçin gaty üýtgeşik bolan bir ýere gitdim. Lebap welaýatynda Mukry şäherçesi. Ýerleşýän ýeri barada aýdanda haýsy etraba degişlidigini bilip bilmedim. Amyderýanyň boýunda, derýanyň beýleki kenarynda bolsa Owganystan bilen araçäkde.

Ol ýere barmak üçin Türkmenabat şäherindäki “Dünýä Bazar” ady bilen bilinýän uly bazara barmaly we şol ýerde Atamyrada (Kerki) gidýän taksiler bilen gidilýär. Eger meniň ýaly şowly bolsaňyz onda Mukra gitjek başga-da adam tapylsa şol ýerden gidäýmeli. Bolmasa Kerkiçi ulaglaryna münip soň aňyrdan başga maşyn bilen gitmeli bolarsyňyz. Continue reading →