Blog platformalary

Men ilkinji blogymy ors dilinde ýazyp başlapdym. Ýyl ýalňyşmasam 2002 bolmaly. Ol wagtlar internete girýän türkmenleri iki topara aýyrsa bolýady; Türkiýede okaýanlar birem Rossiýada okaýanlardy. Elbetde başgalaram bardyr, ýöne iň uly topar şeklinde şul ikisi bolup durýady. Men özüm şol wagtlar Ankarada talypdym, we birinji topara girýädim. Ýöne internetde ýazyşanda biziňkiler esasan ors dilinde ýazýadylar.

Memen şol wagtlar ors dilinde blog ýazyp başlapdym. Adresi ýalňyşmasam http://chishik.livejournal.com/ bolmalydy. Soň Google firmasy Blogger platformasyny satyn aldy, menem ondan yza galyp bolmaz diýip http://bunungibi.blogspot.com/ adresden türkçe ýazyp başladym. Bul bloglaryň ikisem işlänok häzir. Aslynda ol ýerde diňe başga ýerlerde tapan gyzyklyja zatlary paýlaşýadym. Continue reading →

2012-nji ýylyň jemlemesi

2012-nji ýylyň tamamlanmasyna az wagt galdy. Geçen ýyl 2011-nji ýylyň jemlemesini hem edipdim. Indi geldi 2012-njy ýylyň jemine.

overview

 

2012-nji ýylda umuman 2104 gezek saýtyma girilipdir. Olardan 1602 sany unikal giriş bar. Bul sany 12 aýa bölenimizde her aý ortaça 175.3 gezek bolýar we 133.5 unikal giriş bolýar. Geçen ýylky bilen deňeşidrilende unikal giriş 2 esse dagy köpelen. Ýöne bir gezek gelen myhmanlaryň gaýtadan gelme statistikasynda gaty peselme bar. Geçen ýylky 41,15% garşylyk bu ýyl bary ýogy 25,90%. Diýmek her 4 myhmandan 3-si gaýdyp gelmändir blogyma.

Bellik: Suratlara syçanjyk bilen basanyňyzda täze sahypada suraty doly ölçegde görüp bilersiňiz.

Continue reading →

Ertir

Men bul saýty açmankam hem “teswirler”de ýazýadym, açansoň hem aňyrda ýazmana dowam edýärin. Näme diýseňem türkmen internetiniň iň uly sosial saýty. Teswirleriň soňlugy bilen Ertir.com bolany bilen hem onuň abraýynda kemelme bolmady.

Ol ýerde köplenç bärdäki mowzuklarymy kopiýalap ýazýan. Ýöne käwagt diňe Ertir üçin ýazýan mowzuklarym bar. Esasan olar beýlekiler bilen pikir alyşma bolanda ýazýan.

Meniň Ertir.com-daky mowzuklarymy okasyňyz gelse şul aşakdaky sepi yzarlaň.

http://www.ertir.com/index.php?uid=984

Men kim? Ýa-da kim däl…

Men özüm barada saýtymyň “Men” diýip duran ýerinde gysgaça maglumar beripdim. Ýöne şondaky maglumatlara birnäçe zat goşmaly boljak.

Soňky döwür meni “teswirler”-de ady belli bolan blogçy Baýram-Jm (gysgaça Jm) bilen garyşdyryp başladylar. Birnäçe gezek meni Jm-dir öýdüp dürli soraglar bilen maňa ýüzlenýärler.

Google Plus-da biri meni Jm-dir öýdip dostluga goşupdyr. Beýlekileri maňa ertir.com ulgamynda şahsy hat ugradýarlar. Ahyry ertirdäki agzalardan biri pikirler bölüminde bir sorag berdi: “chishik bilen Bayram-Jm bir adammy?” – diýip. Şol ýerde birnäçe jogap bilen Jm ikimiz meselä anyklyk getiripdik. Ýöne soň hem şeýle soraglar ýüze çykmaz ýaly Jm bilen özümi deňeşdirip ýazmany synaşjak.

Continue reading →

Hakymy talap edýärin…

Ýokary okuw jaýynda okaýarkak biziň kellämize plagiatyň (çeşme görkezmän sitata etmek) uly aýyp hasaplanýanlygyny we akademiki intelligensiýasynda plagiat ýaly uly günä ýokdygy pikirini gowja ornadypdylar.

Men hem şondan soň hemişe we herýerde çeşmäni görkezmek endik edindim. Başgalary hem çeşmäni görkezmän birzatlar ýazanlarynda gaharym gelýär.

Şugün dynç günimi ertir.com saýtynda birnäçe teswir ýazyp geçirmek niýetimdedi. Ýöne saýta girip baş sahypadaky ýazgylary okap başlanymda gözüme bir mowzuk ildi. Okaýan welin, ýazylanlar ýaman tanyş… Hut men barada gürrüň gidýän ýaly… Continue reading →

Agajan bilen söhbetdeşlik

Öň habar berşim ýaly Agajan bilen hat üsti birnäçe soragly reportaž aldym. Ilki bilen Agajanyň işlerini köplügi sebäpli sorag jogap uzaga çekdi. Soň bolsa meniň özümiň işlerim sebäpli reportažy çap etmäne gijä galdym.

Agajan bilen ilki teswirleriň ýapylmagy barada açylan gürrüň soňlugy bilen türkmen sosial platformalary barada dowam etti. Soň onuň häzir üstünde işleýän proýektleri barada hem gürrüň berdi. Sohbetdeşligiň ahyrynda onuň web proýekt alyp barmak barada tankyt hem maslahaty bar. Continue reading →